ठुलोपर्दा डटकम, बर्दिवास।
चर्चित हाँस्यकलाकारद्वय सिताराम कट्टेल ‘धुर्मुस’ र कुञ्जना घिमिरे ‘सुन्तली’द्वारा सञ्चालित ‘धुर्मुस-सुन्तली फाउण्डेशन’ले महोत्तरी जिल्लाको मुशहर बस्तीमा ५० घर बनाउन सोमवार शिलान्यास गर्यो ।
शिलान्याशको लागि महजोडी सहितका कलाकार तथा पत्रकार बर्दिवास पुगेका थिए । बस्ती पुग्दा स्थानियको ठुलो भिड देखिन्थ्यो । हजारौँ भिडका बीच धुर्मुस-सुन्तली तथा आगन्तुक पाहुनालाई फुलमालाले स्वागत गरेका थिए । मह जोडीले आफुलाई लगाईदिएको माला समेत धुर्मुसलाई लगाईदिँदा उनको अनुहार सबै छोपिएको थियो ।
त्यहिँ स्थानिय विद्यार्थीहरु पनि आएका थिए । विद्यार्थीले विभिन्न नारा लेखिएका ब्यानर बोकेका थिए । केहिले धुर्मुस-सुन्तलीलाई जिउँदो भगवान मान्दै “Dhurmus Suntali Living God Of Nepal” नारा लेखिएको प्लेकार्ड बोकेका थिए । ति प्लेकार्डले उपस्थित धेरैलाई भावुक बनाएका थिए ।
भिडियोमा हेर्नुहोस्, धुर्मुस-सुन्तली यसरी बने जिउँदो भगवान: