‘मेरो मन’, ‘आज किन’, ‘कहिले मुस्कुराउने’, ‘न मैले लेखेँ’, ‘तिमीले माया नगरे’ जस्ता गीतका गायक हिमाल सागर फेरी अर्को दमदार गीत लिएर आएका छन् ।
पप शैलीमा ‘तिम्रो चोलीको तुनामा’ बोलको गीत भिडियो सहित हिमालले हालै सार्वजनिक गरेका छन् । गीतमा शब्द, संगीत तथा स्वर हिमाल आफैले भरेका छन् ।
त्यतिमात्र होइन, यो गीतमा हिमाल सागर आँफैले अभिनय गरेका छन् । अर्जुन अधिकारीले निर्देशन गरेको भिडियोमा हिमालले नायिका प्रियांका कार्कीसँग अभिनय गरेका छन् ।
सुरेन बश्यालको कोरियोग्राफी रहेको गीतमा हरी हुमागाईँको छायांकन तथा निशान घिमिरेको सम्पादन छ ।
भिडियो हेर्नुहोस्: