पछिल्लो पुस्तामा बढ्दो बाइकर्स युवाहरुको कथामा आधारित रहेर निर्माण गरिएको दाबी गरिएको फिल्म ब्ल्याक डायरी यहि बैशाख २२ गतेबाट देशभर प्रदर्शनमा आउने भएको छ ।
क्याटभिजन प्रोडक्सन् प्रा.लि.को व्यानरमा निर्माण भएको यो फिल्मले पछिल्लो समय बनेका भन्दा फरक खाले विषय बोकेको निर्माण टिमको दाबी छ ।
यस फिल्मलाई सस्पेन्स र थ्रिलर जनरामा राखिएको छ ।
सञ्चारकर्मी सविन शाक्यको प्रस्तुती रहेको फिल्ममा भुवन केसी, रमेश सिंह, पुजा भट्ट, वविता घिमिरे, पवन कार्की, अभय कुवँर, रोमा भण्डारी, अञ्जु महर्जन लगायतको अभिनय छ । सुजन घिमिरेले फिल्मलाई निर्देशन गरेका छन् ।