काठमाण्डौ। मिस नेपाल तथा नायिका श्रृष्टी श्रेष्ठ र कलाकार बिक्रम सिं थारु बिहिवार दिउसो दरमार्गको एक क्लबमा भेटिए । रातीमा मात्र रमझम हुने क्लबमा बिहिवार भने दिउसै रमझम थियो । सयौँ युवायुवतीसँगै थिए श्रृष्टी र बिक्रम पनि ।
दुर्गिश फिल्म्सको ब्यानरमा बन्ने पाँचौ प्रोजेक्ट ‘लाउरे’को अहिले छायांकन भईरहेको छ । चलचित्रमा श्रृष्टी श्रेष्ठ र बिक्रम सिं थारुको प्रमूख अभिनय छ । यहि चलचित्रको छायांकनमा लागि उनिहरुले अभिनय गरिरहेका थिए ।
बेलायती सेनामा जागिर खानका लागि एक युवाले गरेको संघर्ष, युवापूस्ताको प्रेम, दुर्व्यसन र समस्या लगायतका विषयलाई लाउरेले समेट्ने बताईएको छ । यो चलचित्रमा श्रृष्टी र बिक्रमका अलावा मिरुना मगर, शैलेन्द्र मल्ल लगायतको अभिनय रहनेछ ।
युवापूस्तामाझ चर्चित रहेका गायक नरेन लिम्बुले पनि यो चलचित्रबाट नायकको रुपमा डेब्यू गर्दैछन् । यस्तै कृषा शाही र डेनमार्ककी कलाकार जेनेट मेरी लेटरको पनि अभिनय रहने छ ।
‘लाउरे’लाई सुनिल रावल, इश्वर श्रेष्ठ, सुभास लामिछाने र भेषमणि श्रेष्ठले संयुक्त रुपमा निर्माण गर्न लागेका हुन् ।
फोटो: दिनेश बोहरा ।