लण्डनमा आयोजना हुने ‘बक्स अफिस अवार्ड’को मनोनयन सार्वजनिक

काठमाण्डौ। ‘बक्स अफिस फिल्म फेयर अवार्ड २०१७’को उत्कृष्ट ५ को नोमिनेशन सार्वजनिक गरिएको छ । आइतवार राजधानीमा कार्यक्रम आयोजना गर्दै ३२ विधाको लागि नोमिनेशन सार्वजनिक भएको हो ।

अवार्ड वितरण यही असार १७ गते लण्डनमा कार्यक्रमको आयोजना गर्दै हुनेछ । उत्कृष्ट ५ नायकको मनोनयनमा ‘लुट २’ बाट सौगात मल्ल, ‘वीर विक्रम’बाट दयाहाङ राई, ‘गाजलु’बाट अनमोल केसी, ‘होमवर्क’बाट आर्यन सिग्देल र ‘लभ साशा’बाट कर्मा शाक्य परेका छन् भने उत्कृष्ट ५ नायिकाको नोमिनेशनमा ‘किस्मत २’ बाट शिल्पा पोख्रेल, ‘होमवर्क’बाट नम्रता श्रेष्ठ, ‘छक्का पन्जा’बाट प्रियंका कार्की, ‘लभ साशा’बाट केकी अधिकारी र ‘लप्पन छप्पन’बाट वर्षा सिवाकोटी परेका छन् । त्यस्तै, ‘छक्का पन्जा’, ‘गाजलु’, ‘वीर विक्रम’, ‘लभ साशा’ र ‘लुट २’ सर्वोत्कृष्ट फिल्मको सुचिमा प्रतिष्पर्धामा छन् ।

अवार्डको आयोजना लण्डनको थर्ड आई टिम र नेपालको बक्स अफिस क्लबले संयुक्त रुपमा गर्न लागेका हुन् । बेलायतको थर्ड आई टिमका अध्यक्ष विकास देवकोटाका अनुसार, म्यूजिकल जर्नी, लण्डनमा नेपालीहरुको बृहत बनभोज, इन्कोर इन लण्डन तथा नेपालीका भूकम्प पीडितलाई राहत कार्यक्रमहरु सञ्चालन भएका छन् ।

बेलायतमा नेपाली कलाकारहरुको सम्मानार्थ थर्ड आईको विशेष भूमिका रहेको छ । बक्स अफिस फिल्म फेयर अवार्डलाई नेपालबाट थर्ड आईका नेपाल संयोजक हरि सिलवाल तथा निर्माता शक्तिबल्दब घोरासैनीले व्यवस्थापन गरेका छन् ।

‘१० औं बक्स अफिस फिल्म फेयर’ नेपालका अध्यक्ष आर के. सुवेदीले उत्कृष्ट ५ नोमिनेशन सार्वजनिक कार्यक्रममा बोल्दै अवार्ड निष्पक्ष हुने दावी गरे । बक्स अफिस अवार्डका लागि ४५ सदस्य कलाकार तथा प्राविधिकहरुको टोली यही बिहीवार लण्डन जानेछन् ।

उत्कृष्ट मनोनयन यसप्रकार छन्: