काठमाण्डौ। नेपाली फिल्म ‘पञ्जेबाजा’ निर्माण हुने भएको छ । बिहीवार विहान काठमाण्डौको कमलादीस्थित गणेश मन्दिरमा पूजा गर्दै फिल्म ‘पञ्जेबाजा’को मुहूर्त गरिएको छ ।
न्यू भेनस फिल्मस्को प्रस्तुतीमा बन्न लागेको यो फिल्ममा सौगात मल्ल, कर्मा, जस्मिन श्रेष्ठ र श्रृजना सुब्बाको मुख्य भूमिका हुनेछ ।
एक गाउँको कथामा ‘पञ्जेबाजा’ निर्माण हुन लागेको फिल्मका निर्देशक घनश्याम लामिछानेले जानकारी दिए । निर्देशक लामिछानेका अनुसार, कर्मा र जस्मिनको प्रेममा सौगात भिलेन बनेर प्रस्तुत हुनेछन् ।
राजेश शाहीको लगानीमा निर्माण हुने फिल्ममा प्रदीप भारद्वाजको कथा, पटकथा तथा संवाद छ भने कालिप्रसाद बाँस्कोटा र विकास चौधरीको संगीत रहनेछ ।