अमेरिकाको रोचेस्टर सिटीमा नेपाली गायनका मेगास्टार राजेशपायल राईलाई इन्टरनेशनल पपस्टारको उपाधि प्रदान गरिएको छ ।
साङ्गीतिक कार्यक्रमको सिलसिलामा त्यहाँ रहेका राईलाई रोचेस्टर सिटीका मेयर लभ्ली वारेन र डेपुटी डाइरेक्टर मेयर डा. केर्डिक एल. अलेक्जन्डरले संयुक्त रुपमा सम्मान गर्दै प्रत्येक वर्ष ५ नोभेम्बरलाई ‘राई इज किङ डे’ फेस्टिवलको रुपमा मनाउने घोषणा पनि गरेका छन् ।
नेपाली कलाकारले अन्तर्राष्ट्रिय स्टेजमा पाएको यो नै सबेभन्दा ठूलो सम्मान हो । सम्मान ग्रहण गर्दै गायक रोचेस्टर सिटीप्रति आभार व्यक्त गरेका छन् । उक्त कार्यक्रममा जाँदा राईलाई विमानस्थलबाट अमेरिकी प्रहरीले कार्यक्रम स्थलसम्म सुरक्षा दिएको थियो ।
‘राई इज किङ’का रुपमा चर्चित राजेशपायलले करिब तीन दशकयता नेपाली गायन क्षेत्रमा एक छत्र राज गर्दै आएका छन् ।