बलिउड सुपरस्टार अजय देवगनको चलचित्र ‘रेड’ ले बक्सअफिसमा रिलिज लगत्तै यस्तो रेड सुरु गर्यो, जुन अहिलेसम्म रोकिएको छैन ।
फिल्मले बक्सअफिसमा कमाईको मामलामा अक्षय कुमारको चलचित्र ‘प्याडम्यान’ लाई समेत पछाडि छाडेको छ ।
‘रेड’ ले रिलिजको १२ औँ दिनसम्ममा कूल ८४.३६ करोडको कमाई गरेको छ । चलचित्र ट्रेड एनालिस्ट तरण आदर्शले ट्वीट गर्दै ‘रेड’ ले मंगलवार २.४१ करोडको कमाई गरेको जानकारी दिएका छन् ।
जानकारी रहोस्, ‘प्याडम्यान’ को कूल कमाई ८२.१० करोड थियो । ८४.३६ करोडसँगै ‘रेड’ अगाडि निस्किएको छ ।
केही समय अगाडि अजय देवगनले बलिउडमा आफ्नो अहिलेसम्मको करिअरबाट सन्तुष्ट रहेको बताएका थिए । उनी भन्छन्, ‘म त्यो चलचित्र मात्र गर्छु, जुन मलाई हृदयदेखि मन पर्छ ।’
यसअघि अजयको चलचित्र ‘गोलमाल अगेन’ रिलिज भएको थियो, जसले घरेलू बजारमा २ सय बढी कलेक्सन गरेको थियो ।
‘रेड’ चलचित्र वास्तविक भट्नामा आधारित छ । चलचित्रमा अजय देगवनले इमान्दार इनकम ट्याक्स अफिसरको भूमिका निर्वाहा गरेका छन् ।
इलियाना उनको श्रीमतिको भूमिकामा छिन् । चलचित्र १९८१ मा लखनऊमा भएको सबैभन्दा लामो रेडको कहानी हो ।