ठुलोपर्दा डटकम, काठमाण्डौ। आगामी पौष २६ गतेलाई प्रदर्शनको मिति तोकेको बरिष्ठ निर्देशक स्वर्गिय शिव रेग्मी निर्देशित चलचित्र ‘पराइ’ को पहिलो दिनको कमाईको केहि प्रतिशत रकम रेग्मीको परिवारलाई सहयोग गरिने भएको छ । यो चलचित्रका निर्माता गोविन्द शाहीले आफ्नो चलचित्रले शुक्रवार गर्ने कलेक्शन मध्येको केही रकम स्वर्गिय निर्देशक रेग्मीको परिवारलाई सहयोग गर्ने घोषणा गरेका हुन् ।
यसघी केहि रकम शिव रेग्मी ट्रस्टलाई हस्तान्तरण गर्ने घोषणा गरिसकेका निर्माता शाहीले भने ,‘शुक्रबार देशभरबाट हुने कलेक्शनको १५ प्रतिशत मध्ये आधा उहाँको परिवार र आधा शिव रेग्मी ट्रस्टलाई प्रदान गर्नेछु ।’
पूर्णत: सामाजिक कथामा निर्माण गरिएको भनिएको यो चलचित्रमा नन्दिता केसी, गरिमा पन्त, निरज बराल लगायतका कलाकारले अभिनय गरेका छन् । भने नायक राजबल्लभ कोइरालाले पनि एक गीतमा अभिनय गरेका छन् ।