बैशाख अन्तिम सातासम्म नेपाल चलचित्र निर्माता संघ र चलचित्र संघबीचको शेयर बाँडफाँडको विषयमा भएको विवाद र जेठ पहिलो सातादेखि घोषणा गरिएको (यसअघि नै सहमतिमा स्थगित) आन्दोलनको कारण प्रचार-प्रसारमा प्रभाव परेको कारण देखाउँदै चलचित्र ‘ब्ल्याक’ को प्रदर्शन मिति फेरबदल भएको छ ।
यसअघि जेष्ठ ११ गतेलाई प्रदर्शन मिति घोषणा गरिएको यो चलचित्र अब भदौ १ गतेबाट दर्शकमाझ आउने भएको छ । यसमा अभिनेता आकाश श्रेष्ठ र अभिनेत्री आँचल शर्मा लिड रोलमा छन् ।
प्रदिप श्रेष्ठ निर्देशित यस चलचित्रको कथा मौनता श्रेष्ठले लेखेका हुन् । ‘ब्ल्याक’ मा कोरियोग्राफी रामजी लामिछानेको छ भने छायांकन रामशरण उप्रेतीले गरेका छन् ।
आश्मा पाण्डेको निर्माणमा बनेको चलचित्रमा आकाश र आँचलका अलावा सुन्दर श्रेष्ठ, आयुष रिजाल, सुशिल क्षेत्री, धिरेन शाक्य, प्रिया रिजाल लिड अभिनयमा छन् । द्वन्द्व चन्द्र पन्तको रहेको चलचित्रलाई अर्जुन जिसीले सम्पादन गरेका हुन् ।