अहिलेका ‘डिमाण्डेड’ अभिनेता सलोन बस्नेतले ‘गाजलु’ फेम्ड निर्देशक हेमराज विसी निर्देशित चलचित्र ‘ब्रेकअप’ बाट हात झिकेका छन् । नेपालसँगै अष्ट्रेलियामा खिचिने यो चलचित्रमा अभिनेता आशिरमान देशराज जोशी प्रमुख भूमिकामा छन् । अष्ट्रेलिया सुटिङका लागि निर्माण टिम मंगलवार मात्र त्यसतर्फ प्रस्थान गरेको छ ।
किन छाडे त ‘ब्रेकअप’ ? असार २९ गतेबाट प्रदर्शनमा आउन लागेको आफू अभिनीत चलचित्र ‘बाबु कान्छा’ को विषयमा जानकारी दिन आयोजित पत्रकार भेटघाटमा उनले यस विषयमा मुख खोले । उनी निर्माण टिमसँगको सहमतीमै आफू चलचित्रबाट बाहिरिएको बताउँछन् ।
उनी भन्छन्, ‘अहिले म चलचित्र ‘यात्रा’ मा व्यस्त छु । ‘ब्रेकअप’ साइन गर्दाखेरि नै यो मितिमा म टाइम दिन भ्याउँदिनँ भनेको थिएँ । भिषा प्रक्रियामा धेरै समय लाग्यो । ‘यात्रा’ को सुटिङ नभ्याइएका कारण ‘ब्रेकअप’ लाई समय दिन सकिनँ’, उनले भने । उनले अष्ट्रेलियाको भिषा आफूले नपाएको खबर गलत रहेको पनि बताए ।
‘ब्रेकअप’ बाट हात झिक्दा सलोनलाई एउटा कुरामा भने ठूलो फाइदा भएको छ । आफ्नै पिता शोभित बस्नेतको निर्माण र निर्देशन रहेको चलचित्र ‘बाबु कान्छा’ को प्रचारमा उनले समय निकाल्न पाएका छन् ।
हेर्नुहोस् ‘बाबु कान्छा’ को ट्रेलर :-