काठमाडौं – नेपाली कला जगत्का जीवित इतिहास, वरिष्ठ अभिनेता तथा गायक मदनकृष्ण श्रेष्ठको प्रेरक र संघर्षमय जीवनकथा अब पर्दामा चलचित्रका रूपमा जीवन्त हुने भएको छ। यो प्रतीक्षित बायोपिक चलचित्रमा मदनकृष्ण श्रेष्ठको युवावस्था र उनको ओजपूर्ण कलात्मक यात्रालाई न्याय दिन ‘हल्कारा’, ‘परान’, ‘लाज शरणम्’ फेम्ड सशक्त अभिनेता महेश त्रिपाठी मुख्य भूमिकामा देखिनेछन् भने मदनकृष्णको जीवनको सुख-दुःखमा ओत लाग्ने उनकी स्वर्गीय पत्नी यशोदा सुवेदीको भावुक भूमिकालाई लोकप्रिय अभिनेत्री केकी अधिकारीले पर्दामा उतार्नेछिन्।
नेपाली चलचित्र क्षेत्रमा ‘बबी’, ‘ब्लाइन्ड रक्स’ र ‘अञ्जिला’ जस्ता सफल जीवनीपरक चलचित्रहरू निर्देशन गरेर आफ्नो बेग्लै पहिचान बनाइसकेका प्रख्यात निर्देशक मिलन चाम्सले यस ऐतिहासिक चलचित्रको निर्देशनको कमान्ड सम्हाल्दैछन्। मदनकृष्णको बाल्यकाल, समाजमा जातीय विभेद कायम रहेको समयमा भएको उनको अन्तरजातीय विवाह, पत्नीको क्यान्सरसँगको संघर्ष, र हरिबंश आचार्यसँग मिलेर बनेको ऐतिहासिक ‘महजोडी’ को कालखण्ड यस चलचित्रका मुख्य आकर्षण हुनेछन्, जसले आम दर्शकलाई गहिरो भावना र प्रेरणा प्रदान गर्ने अपेक्षा गरिएको छ।