असार २९ गतेबाट देशव्यापी प्रदर्शनमा आउन लागेको चलचित्र ‘यो पागल मन’ को ‘पटियाला कुर्ता’ बोलको गीत सार्वजनिक भएको छ । गीतलाई राजेशपायल राईले गाएका छन् ।
दयाराम पाण्डेको शब्द रहेको गीतमा अर्जुन पोखरेलले संगीत भरेका छन् । गीतको भिडियोमा विनोद न्यौपाने र अभिनेत्री ऋचा सिंह ठकुरी फिचर छन् । विवाहपछि पर्दामा नदेखिएकी अभिनेत्री ठकुरीको यो कमब्याक चलचित्र हो ।
कल्याण अधिकारी निर्देशित यस चलचिलाई बिरेन्द्र कुमार यादब र कल्याणले मिलेर निर्माण गरेका हुन् । ऋचा र विनोदसँगै गौरी मल्ल, राजेश ढुंगाना, मनिष भण्डारीलगायतका कलाकारहरुको यो चलचिमा अभिनय छ ।
अर्जुन पोखरेलको संगीत रहेको चलचिलाई शम्भु सापकोटाले खिचेका हुन् । अनिल गौतमले यसमा सम्पादनको जिम्मेवारी सम्हालेका छन् ।
कमल राइको कोरियोग्राफी रहेको ‘यो पागल मन’ मा द्वन्द निर्देशन राजु किराँतीको रहेको छ भने सामिप्यराज तिमल्सिनाले पटकथा तथा संवाद लेखेका हुन् ।
गीत हेर्नुहोस् :-