साउन २५ गतेबाट देशव्यापी प्रदर्शनमा आउन लागेको चलचित्र ‘टिनएज’ को ‘मेरी छोरी’ बोलको गीत सार्वजनिक भएको छ ।
राजेश पायल रार्इ, टिका प्रसाइ र दर्शना महर्जनको आवाज रहेको गीतमा विकास चौधरीको संगीत र हरी उप्रेतीले शब्द लेखेका छन् ।
निर्देशक दिनेश पाख्रिन निर्देशित यस चलचित्रले युवापुस्ताको कथा बोकेको छ । ‘टिनएज’ मा नरेश वीर सिंह, प्रतिक्षा खड्का, एन्जीला खड्गी, कृष्ण सिवाकोटी, सरिता राजभण्डारी, सरोज शाहलगायतका कलाकारको अभिनय रहेको छ ।
विकास चौधरी र बसन्त सापकोटाको संगीत रहेको चलचित्रमा डा. कृष्णहरी बराल, हरी उप्रेती र सबिना केसीको गीत रचना छ । यसमा दिक्षा पाख्रिन, लिगेश भट्टराई, सोम लामा, जनक कार्की र दिपक सिंहको कोरियोग्राफी रहेको छ ।
हेलेन पाख्रिन फिल्मस्को ब्यानरमा हेलेन पाख्रिनको प्रस्तुती ‘टिनएज’ लाई बिरु मगर, बुद्धिमान स्याङतान, चिनीमाया पाख्रिन र देविका खड्गीले संयूक्त रुपमा निर्माण गरेका हुन् ।
गीत हेर्नुहोस् :-