भाद्र २९ गतेबाट प्रदर्शनमा आउन लागेको कमेडी जनरामा निर्मित चलचित्र ‘साली कस्को भेनाको’ को ‘माया तिमीलाई…’ बोलको गीत सार्वजनिक भएको छ ।
सोमवार राजधानीमा एक कार्यक्रमका बीच सार्वजनिक गरिएको गीतमा सुरजसिंह ठकुरीको शब्द तथा संगीत रहेको छ भने संगीतकार ठकुरी र आकांक्षा बस्यालको स्वर छ ।
गम्भिर विष्टको कोरियोग्राफी रहेको गीतको भिडियोमा अभिनेत्री मरिष्का पोखरेल र नव(नायक देव सागर प्रस्तुत छन् ।
विल्सन बिक्रम राई, बुद्धि तामाङ, रजनी गुरुङ, सुष्मा कार्की, वीरेन श्रेष्ठ, पुष्प आचार्य, जयनन्द लामा, कविता आलेको पनि यो चलचित्रमा अभिनय छ ।
प्रसाद श्रेष्ठको प्रस्तुति रहेको चलचित्रको निर्मातामा रामप्रसाद श्रेष्ठ, सुशील गोपाल न्याछ्यो र काजीमान श्रेष्ठ बिशाल, कमला भट्टराई र मुक्ति अधिकारी छन् । चलचित्रको गीतमा प्रसाद श्रेष्ठ, सुरज शाही ठकुरी र मिन घलानको संगीत छ ।
मुभीङ पिक्चर्स प्रालिको ब्यानरमा निर्माण भएको चलचित्र दीर्घ गुरुङले खिचेका हुन् । पुष्प आचार्यले लेखेको चलचित्रको सम्पादन बनिष शाहले गरेका हुन् ।
‘साली कस्को भेनाको’ समसामयिक सामाजीक बिषयमा निर्माण गरिएको निर्माता प्रसाद बताउँछन् । प्रसादले यसअघि ‘कान्छी’, ‘कर्जा’ र ‘सन्तान’ चलचित्र निर्माण गरिसकेका छन् ।
गीत हेर्नुहोस् :-