ठुलोपर्दा डटकम- चीनका एक चर्चित फिल्म निर्देशक झाङ यिमोउलाई देशको एक बच्चा नीति तोडेर तीन बच्चा जन्माएको आरोपमा सरकारले करिब १२ लाख अमेरिकी डलर जरिवाना गरेको छ ।
झाङले सन् २००८ मा भएको बेइजिङ ओलम्पिकको उद्घाटन समारोहको निर्देशन गरेका थिए । उनले पछिल्लो समय डिसेम्बरमा सरकारको एक बच्चा नीति उल्लंघन गरेको विषयमा माफी मागिसकेका थिए ।
चीनले १९७० को दशकमा देशमा तीव्ररुपमा बढेको जनसंख्यालाई रोक लगाउन एक बच्चा नीति अबलम्बन गरेको थियो । तर, उक्त नीतिमा केहीसमय अगाडी फेरबदल गरिएको छ ।