चैत ८ मा दीपशिखाको ‘प्रेमलिला’

अन्तरदेशीय प्रेम सम्बन्धको कथा प्रस्तुत गर्ने चलचित्र ‘प्रेमलिला’ को नयाँ प्रदर्शन मिति घोषणा गरिएको छ । माघ २५ बाट फागुन १० मा आउने निश्चित भएको चलचित्र अब चैत ८ मा प्रदर्शनमा आउने तय भएको छ । अब भने चलचित्रको प्रदर्शन मिति नसर्ने अभिनेत्री तथा निर्मात्री दीपशिखा खड्काले बताएकी छन् ।

चलचित्रमा दीपशिखा खड्का, अलि खान र मौसम खड्काको अभिनय रहेको छ । खान र खड्काले यसैचलचित्रबाट डेब्यु गरेका हुन् । दीपशिखाले यसअघि केही चलचित्रमा अभिनय गरे पनि ‘प्रेमलिला’ नै आफ्नो डेब्यु चलचित्र रहेको बताउँछिन् । उनले चलचित्रको गेटअपमा रहन ५ चोटि कपाल काटेकी छन् ।

दुबईमा मोडलिङ गर्दै आएका अलि खानले चलचित्रमा भारतबाट नेपाल घुम्न आउने पर्यटकको भूमिका निर्वाह गरेका छन् । दीपशिखा खड्काकै कथा तथा लेखन रहेको चलचित्रलाई पवन गौतमले खिचेका हुन् । चलचित्रमा नानीमैया कार्की र फैजिल फिल्मस्को लगानी रहेको छ ।