बलिउडकी सुन्दर नायिका प्रियंका चोपडा नेपाल आउने भएकी छिन् । प्रियंकाले आफ्नो अफिसियल टुइटर एकाउन्ट मार्फत नेपाल आउन लागेको जानकारी गराएकी छिन् ।
विश्वप्रसिद्ध नेपाली फेशन डिजाईनर प्रबल गुरुङलाई मेन्सन गर्दै प्रियंकाले जानवरी १७ मा गरेको ट्विटमा नेपालमा भेट्ने उल्लेख गरेकी छिन् । बिहिबार न्यूयोर्कको एक पार्टीमा प्रबलसंगको भेट पश्चात प्रियंकाले यस्तो ट्विट गरेकी हुन् । प्रियंकाले ट्विटमा प्रवलले तयार गरेका डिजाईनका ड्रेसमा खिचेका केही तश्विरहरु समेत सार्वजनिक गरेकी छिन् ।
Thx @prabalgurung ! Was awesome to meet u last night! C u in Nepal!! http://t.co/4GMZgn9adh
— PRIYANKA (@priyankachopra) January 16, 2014
उनको यो ट्विट पछी धेरै नेपाली फ्यानहरुले खुसी व्यक्त गर्दै उनलाई नेपालमा भेट्न आफुहरु आतुर भएको भन्दै ‘ नेपालमा स्वागत छ प्रियंका’ भन्दै उत्तर दिएका छन् ।
तर प्रियंकालाई कसले नेपालमा ल्याउंदैछ, अनि कहिले र के को लागी नेपाल आउँदैछिन भन्ने कुराको आधिकारिक जानकारी भने कसैले पनि गराएको छैन ।