उर्मिलालाई ‘मिसेस ग्रान्ड इन्टरनेशनल नेपाल’ को ताज



रिवन इन्टरटेनमेन्टले म्यानमारको माण्डलेमा हुने ‘मिसेस ग्रान्ड इन्टरनेशन २०२२’ मा नेपालको सहभागीता गराउनका लागि उर्मिला उप्रेती सिलवाललाई ‘मिसेस ग्रान्ड इन्टरनेशनल नेपाल २०२१’ चयन गरेको छ । रिवन इन्टरटेनमेन्टले शनिवार राती राजधानीको अनामनगरस्थित बसेरा बुटिक होटलमा आयोजित एक कार्यक्रमका बीच उर्मिलालाई ‘मिसेस ग्रान्ड इन्टरनेशनल नेपाल २०२१’ ताज पहिराएको हो ।

‘मिसेस ग्रान्ड इन्टरनेशनल नेपाल २०२१’ की विजेता उर्मिला उप्रेती सिलवालले ‘मिसेस ग्रान्ड इन्टरनेशन २०२२’ मार्फत नेपाललाई विश्वलाई चिनाउने प्रयास गर्ने बताइन् । समारोहमा प्रमूख अतिथी नेपाली सेनाका पूर्व प्रधानसेनापती रुक्मागत कटुवाल, सौन्दर्य प्रतियोगिता संघकी उपाध्यक्ष रमी श्रेष्ठ बज्राचार्य, पत्रकार विदुर गिरी, गायक तथा नेपाल आयल निगमका पूर्व निर्देशक सीताराम पोखरेल र पेजेन्ट निर्देशक निशुकान्त झाले क्राउन तथा स्यास पहिराएका थिए ।

कोरियोग्राफर तथा इभेन्ट सञ्चालक अश्विनीकान्त झाद्वारा सञ्चालित समारोहमा प्रमूख अतिथी कटुवाल, मिसेस नेपाल वल्र्ड दीक्षा केसी, मिसेस नेपाल इन्टरनेशनल २०१८ तथा मिसेस एसिया प्यासिफिक चन्दा थापा गिरी, मिसेस नेपाल इन्टरनेशनल २०१९ भाविशा कोइराला, गायक सिताराम पोखरेल, शिक्षाविद पूर्ण लामा, सुदन डोटेललगायतले उर्मिलालाई सफलताको शुभकामना दिएका थिए ।

रिवन इन्टरटेनमेन्टका अध्यक्ष निशुकान्त झाका अनुसार, मिसेस ग्रान्ड इन्टरनेशनल नेपाल २०२१ उर्मीला उप्रेती सिलवाललाई रिवन इन्टरटेनमेन्टको सहकार्यमा आगामी अप्रिलमा म्यानमारको माण्डेलामा हुने मिसेस ग्रान्ड इन्टरनेशनल २०२२ मा नेपालको प्रतिनिधित्व गराइनेछ । भैरहवाकी उर्मिला केही अघि रिवन इन्टरटेनमेन्टको आयोजनामा राजधानीमा सम्पन्न मिसेस नेपाल वल्र्डमा अन्तिम चरणसम्म पुग्न सफल भएकी थिइन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu