क्रिप्टोकरेन्सीको विज्ञापनमा आफ्नो तस्विर तथा भिडियो प्रयोग भएपछि अभिनेत्री प्रियंका कार्कीले प्रहरीको केन्द्रीय अनुसन्धान ब्युरो (सीआईबी) मा उजुरी दिएकी छन् । केही फेसबुक पेजहरुले जानकारीबिना क्रिप्टोकरेन्सीको प्रचारमा आफ्नो भिडियो तथा तस्विर प्रयोग गरेको भन्दै उनले दोषीलाई कारवाहीको माग गर्दै सीआईबीमा उजुरी दिएकी हुन् ।
आइतवार सीआईबीले क्रिप्टोकरेन्सीको विज्ञापनमा प्रियंकाको तस्विर तथा भिडियो प्रयोग भएको देखेपछि उनलाई सोधपुछका लागि बोलाएको थियो । तर, उनले यसबारेमा आफूलाई कुनै जानकारी नभएको बताएकी थिइन् । उनले सीआईबीकै सुझावमा फोटो दुरुपयोग गर्ने व्यक्ति र फेसबुक पेजविरुद्ध उजुरी दिएको जानकारी प्राप्त छ ।
प्रियंकाले उजुरी दिए लगत्तै सीआईबीले अनुसन्धान सुरु गरेको छ । केही समययता सीआईबीले क्रिप्टोकरेन्सी कारोबार रोक्नका लागि निगरानी बढाएको छ । क्रिप्टोकरेन्सी एक गुप्त भर्चुअल मुद्रा भएकाले यसबाट हुने कारोबार करको दायरामा आउँदैछ । यही कारण नेपाल सरकारले क्रिप्टोकरेन्सीलाई नेपालमा अवैध मानेको छ ।