‘कबड्डी ४’ निर्देशकको नयाँ चलचित्रमा भित्रिए विपिन



निर्देशक रामबाबु गुरुङले चलचित्र ‘कबड्डी ४’मार्फत् नयाँ चलचित्र ‘मास्टर बमकाजी’को निर्माण घोषणा गरेका थिए । तर, यो चलचित्रभन्दा अगाडि उनले नयाँ चलचित्र बनाउने भएका छन् । नाम तय हुन बाँकी रहेको चलचित्रका लागि उनले मुख्य भूमिकामा अभिनेता विपिन कार्कीलाई अनुबन्ध गरेका छन् । बिहीवार दिउँसो उनीहरुबीच कागजी सम्झौता भएको हो ।

विपिनले इन्स्टाग्राम स्टोरीमा एक तस्विर राख्दै आफू रामबाबु गुरुङको चलचित्रमा भित्रिएको जानकारी गराएका छन् । प्राप्त जानकारी अनुसार, निर्देशक गुरुङले ‘बगान’ नाममा चलचित्र बनाउने योजनासहित स्क्रिप्ट तयार पारेका थिए । तर, यो नाममा अभिनेता सरोज खनालले चलचित्र निर्माण गरिसकेका कारण यतिबेला उनी नयाँ नामको खोजीमा रहेको बुझिएको छ ।

विपिनले हालै चलचित्र ‘के घर के डेरा’को केही प्रतिशत छायांकन सकाएका छन् । अब उनले बलिउड चलचित्र ‘एनिमल’का लागि समय छुट्याएका छन् । यो चलचित्रको छायांकन भ्याएर नेपाल फर्किएपछि उनले पाइपलाइनमा रहेको चलचित्र ‘प्रसाद २’को छायांकन गर्नेछ । यसपछि उनले रामबाबु गुरुङको चलचित्रलाई समय छुट्याउने बुझिएको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu