जर्मनी प्रेमिकासँग गरे रेमनदासले बिहे



अभिनेता रेमनदास श्रेष्ठले वैवाहिक जीवनमा बाँधिएका छन् । बिहीवार उनले जर्मनी प्रेमिका जना मुद्रासँग विवाह गरेका हुन् । काठमाडौंस्थित ज्ञानेश्वरमा रहेको एटिक रेस्टुरेन्टमा उनीहरुको वैवाहिक कार्यक्रम चलिरहेको छ । यो रेस्टुरेन्ट रेमन स्वयंको हो । उनले अभिनेत्री नम्रता श्रेष्ठसँग मिलेर रेस्टुरेन्ट खोलेका हुन् ।

रेमन र जनाको विवाहमा दुई पक्षका परिवार र आफन्तसँगै रेमन नजिकका केही चलचित्रकर्मीहरु सहभागी छन् । रेमन र जना विगत ५ वर्षभन्दा लामो समयदेखि प्रेम सम्बन्धमा रहेको बताइन्छ । उनीहरुले हिन्दू परम्पराअनुसार नै विवाह गरेका छन् । रेमनदासले यही शनिवार चितवनमा रिसेप्सन पार्टी दिँदैछन् ।

कलाकार मदनदास श्रेष्ठका छोरा रहेका रेमनले ‘जाइरा’, ‘द ब्रेकअप’, ‘आधा लभ’, ‘जालो’, ‘मेघा’, ‘कर्कस’, ‘भिसा गर्ल’ लगायत एक दर्जन बढी चलचित्रमा अभिनय गरिसकेका छन् । पछिल्लो समय उनी चर्चित टेलिभिजन रियालिटी शो ‘हिमालय रोडिज’मा होस्टको रुपमा आबद्ध छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu