परिच्छेद सेनको निर्देशनमा तयार भएको चलचित्र ‘प्रेमगन्ज’ले नयाँ लिरिकल गीत सार्वजनिक भएको छ । ‘फेरि भेट होला नहोला’ बोलको गीतमा कृष्णहरि बरालका शब्दलाई गैरे सुरेशले संगीत दिएका छन् । गीतमा स्वेच्छा ठकुरीको स्वर रहेको छ ।
चलचित्रमा तेज गिरि, बेनिशा हमाल, राइडर प्रशन, सुप्रिया खनाल र सिमरन खड्का मुख्य भूमिकामा छन् । चलचित्रमा अभिनेत्री सुरक्षा पन्त अतिथी भूमिकामा छिन् । तेज र बेनिशाले युवा उमेरको भूमिकामा अभिनय गरेका छन् भने उनीहरुको टिनएजरको भूमिकामा प्रशन र सुप्रिया छन् ।
अनन्तमान श्रेष्ठ कार्यकारी निर्माता रहेको चलचित्रलाई परिच्छेद स्वयंले लेखेका हुन् । अर्जुन जीसीको सम्पादन र सञ्जय लामाको छायांकन रहेको चलचित्रमा नरेश पौडेल, रश्मि भट्ट, गीता अधिकारी, सञ्जोग रसाइली, पवन भट्टराईलगायतको पनि अभिनय छ । चलचित्रमा किरण भुसाल, पुरुषोत्तम ढुंगेल, गैरे सुरेश र सरोज पोखरेलको संगीत छ ।