केपी ओलीलाई चलचित्र खेलाउने किरण केसीको इच्छा



चर्चित हाँस्य कलाकार तथा चलचित्र निर्माता किरण केसी ‘राता मकैं’ले नेकपा एमालेका अध्यक्ष तथा पूर्व प्रधानमन्त्री केपी शर्मा ओलीलाई लिएर चलचित्र बनाउने इच्छा व्यक्त गरेका छन् । केपी ओली चलचित्रमा काम गर्न तयार भएको खण्डमा पारिश्रमिक स्वरुप १० लाख ११ हजार दिने पनि उनले घोषणा गरेका छन् ।

हालै एक अन्तर्वार्तामा उनले भने, ‘हामीहरुले लेख्ने पञ्चलाइनहरु केपी ओलीले बोलिरहनुभएको हुन्छ । उहाँको शरीरमा कला र हाँस्य व्यंग्य प्रचुर छ । उहाँ चलचित्र खेल्नु हुन्थ्यो भने म खेलाउँछु । उहाँले चलचित्र खेल्ने हो भने १० लाख ११ हजार म दिन्छु । उहाँलाई दुई दिन मात्र सुटिङ गराउँछु । त्यो पनि दुई दिन ३/३ घन्टा मात्र ।’

किरणले नेतृ तथा पूर्व मन्त्री रामकुमारी झाँक्रीलाई पनि चलचित्र खेलाउन तयार रहेको किरणले बताएका छन् । उनले भनेका छन्, ‘यदि रामकुमारी झाँक्री बहिनीले मान्छिन् भने म आफैं जोडी भएर काम गर्छु । मलाई उहाँ असाध्धै मन पर्छ । उहाँलाई अहिलेका चलेका हिरोइन बराबरै पारिश्रमिक दिनेछु ।’

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu