गायिका तथा मोडल समीक्षा अधिकारीले आफूले क्षतिपूर्ति बापत वा अन्य कुनै पनि रकम माग नगरेको र नलिएको बताएकी छन् । उनले मंगलवार फेसबुकमा स्टाटस लेख्दै आफूले भोगिरहेको एउटा दुखद् घटनामा क्षतिपूर्ति बापतको उक्त रकम लिने आफ्नो मनसाय पनि नभएको स्पष्ट पारेकी छन् ।
उनले सामाजिक सञ्जालमा आफूविरुद्ध बनेका लज्जास्पद तस्विर र गाली-गलौजले आफूमा नकारात्मक प्रभाव परेको उल्लेख गर्दै लेखेकी छन्, ‘सामाजिक सञ्जालमा मेरोविरुद्ध बनेका लज्जास्पद तस्बिर र गाली-गलौजले गर्दा मेरो मानसपटलमा नकारात्मक प्रभाव परेको छ । कृपया आफ्नै घरको घटना जस्तो सम्झेर मेरो समस्यालाई नियालिदिनुहोला ।’
गायिका अधिकारीले आफ्नो अस्मिता रक्षाका लागि आफू आफ्नो ठाउँमा अडिग रहेको र सबैको साथ-सहयोग र सकारात्मक विचारले आफ्नो सांगीतिक क्षेत्रमा समेत सहयोग पुग्ने आशा व्यक्त गरेकी छन् ।