काठमाडौँ।
मिलन चाम्सले निर्माण तथा निर्देशन गरेको नेपाली चलचित्र ‘बीर विक्रम २’ को हिन्दी भाषाको ट्रेलर सार्वजनिक गरिएको छ । ओएसआर इन्टरनेसनलको अफिसियल युट्युब च्यानल मार्फत हिन्दी भाषाको ट्रेलर सार्वजनिक गरिएको हो ।
यो चलचित्रको भारतको मुम्बईमा हिन्दी डबिङ्ग गरिएको थियो । नेपाली चलचित्रको अन्तर्राष्ट्रिय बजार खोज्ने र थप आम्दानीको बाटो बनाउने उदेश्यका साथ अन्य केहि नेपाली चलचित्रलाई पनि हिन्दी भाषामा डबिङ्ग गरी रिलिज गर्न लागिएको ओएसआर डिजिटलका संचालक ओम प्रकाश अग्रवालले बताए । केहि दिनमा यो चलचित्रलाई हिन्दी भाषामा नै युट्युबमा सार्वजनिक गरिने उनले बताए ।
‘बीर विक्रम २’ मा पल शाह, वर्षा शिवाकोटी, नजिर हुसेन, बुद्धि तामाङ, देशभक्त खनाल, विनिशा भण्डारी, क्षितिज सुबेदी खत्री लगायतको अभिनय रहेको छ । चलचित्रलाई प्रदिप भारद्धाजले लेखेका हुन् ।
हेर्नुहोस् ट्रेलर: