काठमाडौँ ।
दीपेन्द्र के. खनालले निर्देशन गर्ने चलचित्र ‘भष्मे डन’मा नायिका स्वस्तिमा खड्काले अभिनय गर्ने भएकी छन् । आइतबार निर्माण टिम र खड्काबीच लिखित सम्झौता भएको छ ।
२०७२ को चर्चित चलचित्र ‘पशुपति प्रसाद’को चर्चित पात्र ‘भष्मे डन’ माथी बन्ने यो चलचित्र निर्देशक खनाल र अभिनेता खगेन्द्र लामिछानेले बनाउँदैछन् । यो चलचित्रका प्रमुख पात्र ‘भष्मे डन’ अर्थात विपिन कार्की हुन् । विपिन र स्वस्तिमासँगै सौगात मल्ल, रविन्द्रसिंह बानियाँ, प्रकाश घिमिरे लगायतको पनि अभिनय रहनेछ । यद्यपी मल्लसँग भने लिखित सम्झौता भएको छैन ।
‘पशुपति प्रसाद’का प्रमुख कलाकार खगेन्द्र लामिछाने भने यो चलचित्रमा अभिनेताको रुपमा रहनेछैनन् । उनि लेखक र निर्माताको रुपमा मात्र रहनेछन् । आगामी दशैंमा चलचित्र रिलिजको तयारी छ ।