काठमाडौँ ।
झरना थापाले निर्देशन गर्ने चलचित्र ‘भगवत् गीता’मा अभिनेता बिपिन कार्की अनुबन्धित भएका छन् । माघ २० गतेदेखि छायांकनमा जान लागेको यो चलचित्रमा यसअघि सुहाना थापा र धिरज मगरले काम गर्ने पक्का भईसकेको थियो ।
यि तीन कलाकारहरु चलचित्रका प्रमुख पात्र हुन् । जनकपुर र मनाङमा छायांकन हुने यस चलचित्रमा स्थानिय कलाकारहरुको पनि अभिनय रहनेछ ।
यो चलचित्रलाई सुनिल कुमार थापाले निर्माण गर्दैछन् । यसअघि नायक अनमोलले यो चलचित्रमा अभिनय गर्ने चर्चा चलेको थियो । केसी र सुहानाले ‘ए मेरो हजुर ३’मा काम गरेका थिए ।
झरना आगामी नयाँ बर्षमा यो चलचित्र रिलिजको तयारीसहित छायांकनमा जान लागेकी हुन् ।