काठमाडौँ।
आगामी चैत २४ गतेबाट रिलिज हुने सुरक्षा पन्त र कमलमणि नेपाल अभिनित नेपाली चलचित्र ‘बहाव’को पोस्टर सार्वजनिक भएको छ । प्रमोद कँडेलको लेखन र निर्देशन रहेको चलचित्रको फस्टलुकमा अभिनेत्री सुरक्षाले सुगासहितको पिँजडालाई हातमा लिएर उभिएकी छन् ।
स्वर्णिम इन्टरटेनमेन्ट र योङ स्टार सिनेमाको प्रस्तुतीमा बनेको यो चलचित्रको विषयवस्तु ‘जिज्ञासा, विचार अनि यथार्थको कथा’ मा आधारित रहेको बताईएको छ । निर्देशक कँडेलले यो चलचित्रको बिषय नयाँ चिजको खोजीमा भइरहेको अवस्थाको विद्रोह रहेको बताए । चलचित्रका निर्माता श्रीधर पौडेल हुन् ।
यो चलचित्रमा सुरक्षा र कमलमणिसँगै अफरान अली, सुर्य शर्मा भट्ट, इश्वरी सिंह, हीरालाल कँडेल र पवन श्रेष्ठको अभिनय छ । सुजन बडालको सम्पादन, वसन्त सापकोटा, सुशान्त गौतम र रिकेश गुरुङको सङ्गीत रहेको फिल्ममा सज्जा चौलागाईंको स्वर, अनन्त घिमिरेको कलर करेक्सन, मुकेश शाहको साउण्ड डिजाइन र मिक्सिङ र कार्तिकेय स्मिता कर्नाटकको छायाङ्कन छ ।