काठमाडौँ।
अमेजन प्राइमले नेपाली कथामा नेपालमा नै छायाङ्कन हुन लागेको चलचित्र ‘आइस रोड २: रोड टु द स्काई’ को अन्तर्राष्ट्रिय स्ट्रिमिङ अधिकार खरिद गरेको छ। जारी रहेको कान्स फिल्म फेस्टिभलको दौरान अमेजनले १७ मिलियन डलरको सम्झौता गरेको छ ।
बताईए अनुसार अमेजनले जर्मनी बाहेक अन्य देशहरूमा यो चलचित्रको स्ट्रिमिङ अधिकार किनेको हो। अन्तराष्ट्रिय मिडियाहरुमा यसको खबर फैलिएको छ। यद्यपि अभिनेता लियान नीसन र फिल्मका निर्माताहरूले यो समाचार अस्वीकार गरेका छन्।
चलचित्रमा अभिनेता लियान नीसनले खतरनाक र हिलो इलाकामा एक्शन दृश्य प्रदर्शन गर्नेछन्। सन् २०२४ मा निर्माण हुने यो चलचित्र सगरमाथा क्षेत्र र नेपालको पहाडी क्षेत्रमा छायाङ्कन हुनेछ।
चलचित्रमा लियान नीसन आफ्नो दिवंगत भाइको अन्तिम इच्छा स्वरुप अस्तु विसर्जन गर्न सगरमाथा क्षेत्रको यात्रामा आउनेछन्। यसलाई जोनाथन हेन्सले निर्माण तथा निर्देशन गर्नेछन्।