‘म त सानो मान्छे एकदिन ठुलो हुन्छु होइन र ?’

[dropcap]मौ[/dropcap]लिक नेपाली बिषयमा बनेको नेपाली चलचित्र ‘वर्ल्डकप इन नेपाल’को नयाँ गीत सार्वजनिक भएको छ। यो चलचित्रको वितरक कम्पनी दर्शना आर्टसले ‘म त सानो मान्छे …’ बोलको भिडियो गीत शनिवार सार्वजनिक गरेको हो। यो गीतमा अभिभावकको परम्परागत सोच र शैलीबाट कुन्ठित बालकको दयनिय भावना देखाईएको छ। यो गीतलाई यो चलचित्रको मेरुदण्ड बनाईएको छ।

रामशरण पाठक निर्देशित यो चलचित्र बैशाख १९ मा रिलिज हुँदैछ। यो चलचित्रले नेपालको एउटा गाउँमा फूटबल खेल्ने किशोरहरुको विश्वकप खेल्ने सपनालाई मार्मिक ढंगले प्रस्तुत गरेको छ।  चलचित्र विकास वोर्डले “बिशेष चलचित्र” को रुपमा पुरस्कृत गरेको यो चलचित्रले विदेशका बिभिन्न अवार्डहरुमा समेत राम्रो प्रशंसा बटुलिसकेको छ। चलचित्रमा गाउँले स्कुले बच्चाहरुको फुटबल खेलेर देशको नाम उच्च बनाउने अकाट्य सपना र त्यस भित्रका पारिवारिक बाधा अड्चन तथा छुवाछुतले समाजमा पुर्याएको नकारात्मक सन्देशको खण्डन जस्ता कुराहरु पाउन सकिन्छ। यो चलचित्रमा अखिल नेपाल फुटबल संघ (एन्फा)का खेलाडी तथा अन्य कलाकारहरुको अभिनय रहेको छ।

जुगल डंगोलको संगीत तथा प्रकाश थापाको प्रस्तुतीमा राम तामाङ् निर्माता रहेको यस चलचित्रका सहनिर्माता बिदुर बिष्ट र सुर्य सिम्खडा हुन्। ‘वर्ल्डकप इन नेपाल’मा सोनु केसी, शर्मिला शर्मा, संगम राई, कुलचन्द्र पुरी, भिम प्रसाद मैनाली, गिरी प्रसाद पुन, गोपाल अर्याल, सुजन तामाङ्, उमेश थापा लगाएत एन्फा अण्डर १९ का खेलाडीहरुको अभिनय रहेको छ। निर्देशक रामशरण पाठक हुन् भने सम्पादक राजु भण्डारी हुन्। मनिष पन्थको छायांकन रहेको छ।

Watch the song here: