काठमाडौँ।
पुष २७ गते रिलिज हुने नेपाली चलचित्र ‘चित्रा’ले बाल दर्शक लक्षित अफर ल्याएको छ । सो अफरमा यो चलचित्र हेर्न हलमा जाने १० वर्षमुनिका बालबालिकाले निःशुल्क टिकट प्राप्त गर्नेछन् । त्यस्तै, चलचित्रको नामसँग बालिका दर्शकको नाम मिलेमा ३ वटा टिकट निःशुल्क दिने बताइएको छ ।
यो अफर व्यापारिक रणनीतिका लागि मात्र नभई आफ्नो चलचित्र लक्षित दर्शकमाझ पुग्न सकोस् भन्ने उद्देश्य राखेको निर्देशक घनश्याम लामिछानेले बताए । यो चलचित्रले बाबु छोरीको कथा पेस गर्छ ।
यस चलचित्रमा सन्तोष अधिकारी, अर्पण थापा, प्रमोद अग्रहरी, शुभेच्छा खड्का,मेनुका प्रधान, सिम्रन खड्का, अन्जना बराइली,प्रकाश घिमिरे तथा बाल कलाकार आयुशी ढकालको प्रमुख भूमिका रहेको छ ।