काठमाडौँ।
निश्चल बस्नेत निर्देशित नेपाली चलचित्र ‘दिमाग खराब’ प्रदर्शनको ५१ दिने यात्रामा पुगेको छ । शनिवार यो गौरवपूर्ण यात्रामा पुगेको यस चलचित्रले यहाँसम्म पुग्दा झन्डै दश करोडको व्यापार गरेको छ ।
यो चलचित्र कार्तिक २४ गते रिलिज भएको थियो । हाल यो चलचित्र काठमाडौँको न्यूरोडस्थित रञ्जना सिनेमा हलमा प्रदर्शनरत छ । सो हलमा कलाकार र सञ्चारकर्मीमाझ केक काटेर ५१ दिन मनाउने बताइएको छ ।
नेपालीहरूको बसोबास रहेका विभिन्न मुलुकहरूमा यो चलचित्र प्रदर्शन भइसकेको छ भने भारतमा रिलिज हुन बाँकी छ ।
यस चलचित्रमा खगेन्द्र लामिछाने, स्वस्तिमा खड्का, निश्चल बस्नेत, दयाहाङ राई, अर्पण थापा, विजय बराल, सुमन कार्की लगायतको अभिनय रहेको छ ।