काठमाडौँ।
नेपाली चलचित्र ‘द अन ब्रेकेबल अगस्त्य: च्याप्टर १’को फस्ट लुक रिलिज गर्दै प्रदर्शन मिति घोषणा गरिएको छ । यसका अभिनेता सौगात मल्ललाई ‘सौर्य’को रूपमा परिचय गराउने दुई वटा पोस्टर सार्वजनिक गर्दै आगामी फागुन १८ गते यो चलचित्र रिलिज हुने जनाइएको छ ।
यो चलचित्र लेखक तथा निर्देशक सौरभ चौधरीको महत्त्वाकाङ्क्षी प्रोजेक्ट हो । यस चलचित्रमा सौगातको साथमा नाजिर हुसेन, मलिका महत, प्रमोद अग्रहरी, विजय बराल, रवीन्द्र झा लगायतका कलाकारको अभिनय छ ।
डार्क हर्ष इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार चलचित्रमा प्रकाश मल्ल, अनीश तामाङ र विनोद पौडेल निर्माता रहेका छन् भने कार्यकारी निर्माता विश्व गौचन र अभिषेक चौधरी हुन् ।