काठमाडौँ। स्वायत्त चलचित्र विकास बोर्डको सुझावसहित नेपाली चलचित्रको संशोधित विधेयक २०८० को मस्यौदा आइतबार सञ्चार तथा सूचना प्रविधि मन्त्री रेखा शर्मालाई हस्तान्तरण गरिएको छ । चलचित्र क्षेत्रका ८ सरोकारवाला संस्थाहरूले छलफल गरी तयार पारेको सो हस्तान्तरण गरेका हुन् ।
नेपाल चलचित्र निर्माता सङ्घ, नेपाल चलचित्र कलाकार सङ्घ, नेपाल चलचित्र निर्देशक समाज, नेपाल चलचित्र सङ्घ, नेपाल चलचित्र प्राविधिक सङ्घ, नेपाल चलचित्र नृत्यकार सङ्घ, नेपाल चलचित्र द्वन्द्व कलाकार सङ्घ र आदिवासी जनजाति चलचित्र महासङ्घ छन् ।
नेपाल चलचित्र निर्देशक समाजका अध्यक्ष जनकदीप पराजुलीले मस्यौदा संशोधन तथा कार्यान्वयनका लागि हस्तान्तरण गरिएको बताए । ‘नेपाल सरकारले चाँडो भन्दा चाँडो यसलाई अनुमोदन गरी चलचित्र ऐन बनाएर लागू गरोस् भन्ने सम्पूर्ण सङ्घ संस्थाहरूको माग छ।’ उनले भने ।