![](https://i0.wp.com/www.thuloparda.com/wp-content/uploads/2024/02/Nandita-KC-and-Husband.jpg?resize=720%2C405&ssl=1)
काठमाडौं।
पछिल्लो समय अमेरिका बस्दै आएकी नेपाली चलचित्रकी अभिनेत्री नन्दिता केसीले सामाजिक सञ्जालमा एक पोस्ट गर्दै आफू वैवाहिक जीवनमा प्रवेश गर्न लागेको खुलासा गरेकी छन् । फेसबुकमा हुनेवाला श्रीमानसहितको फोटो पोस्ट गर्दै उनले लेखेकी छन्, “जीवनको नयाँ यात्राको सुरुवात । आई सेड एस ।”
नन्दितासँग फोटोमा रहेका व्यक्ति कार्डियोलोजिस्ट डा. अरविन्द्र कटवाल हुन् । उनी अमेरिकाको नर्थ क्यालिफोर्नियामा बस्दै आएको जानकारी प्राप्त छ ।
केही महिना अगाडी भेट भएको यो जोडीले मागी विवाह गर्न लागेको हो । नेपाली मिति अनुसार यही फागुन १९ गते विवाह हुँदै छ ।