दीपक र हरिवंशले चलचित्र बनाउने, दुवै जनाको अभिनय रहने

काठमाडौं। नेपाली चलचित्रको लागि रोचक खबर बाहिर आएको छ । अभिनयका बादशाह हरिवंश आचार्य र चलचित्र निर्माणका बादशाह दीपक राज गिरीबिच सहकार्य हुने भएको छ ।

आइतबार मिडियामा सार्वजनिक भएको खबरअनुसार मह सञ्चार र आमा सरस्वती मुभिजले संयुक्त रूपमा चलचित्र बनाउँदै छन् ।

सो चलचित्र सामाजिक कथावस्तु र हास्यव्यङ्ग्यात्मक हुने बताइएको छ । यो चलचित्रलाई मह सञ्चार र आमा सरस्वती मुभिजमा आबद्ध नभएका निर्देशकले निर्देशन गर्ने बुझिएको छ ।