काठमाडौं। अभिनेता सलोन बस्नेत र उनकी पत्नी करिश्मा केसी चाँडै पहिलो सन्तानको आमाबाबु बन्दै छन् । यो जोडीले बुधवार सामाजिक सञ्जाल फेसबुकमा प्रेग्नेन्सी फोटो सुटका तस्बिरहरू शेयर गरेका छन् ।
तस्बिरमा सलोन र करिश्माले एउटै पहिरन अर्थात् जिन्सको पहिरन लगाएका छन् । उनीहरूको फोटो सुट आधुनिक शैलीको देखिन्छ । अधिकांश महिला सेलिब्रेटीले साडीमा वा गाउनमा प्रेग्नेन्सी फोटो सुट गराउँदा करिश्माले भने जिन्स पेन्ट र ज्याकेट रोजेकी छन् ।
सलोन र करिश्माको गत वर्ष मङ्सिर १२ गते विवाह भएको थियो । तीन वर्ष लामो प्रेम सम्बन्धलाई पूर्णता दिँदै उनीहरू विवाह बन्धनमा बाँधिएका थिए ।