काठमाडौं। प्रतिक्षीत नेपाली चलचित्र ‘महाजात्रा’ रिलिज भएको छ । यो चलचित्रले देशभरका हलहरूमा व्यापक रूपमा शो प्राप्त गरेको छ । मङ्गलवारको प्रिमियरसँगै बुकिङ खुल्ला भएपछि देशैभरका मल्टिप्लेक्स हल सञ्चालकहरूले अति विश्वास गरेको देखिएको छ ।
देशको सबैभन्दा ठुलो ‘थिएटर चेन’ क्यूएफएक्स सिनेमाजले मात्र झन्डै ७० शो उपलब्ध गराएको छ । देशभरका सबै मल्टिप्लेक्स हलहरूले करिब २ सय ५० शो उपलब्ध गराएका छन् । यो चलचित्र सिरिजका अघिल्ला दुई चलचित्रहरू ‘जात्रा’ र ‘जात्रै जात्रा’को सफलताको कारण पनि ‘महाजात्रा’ प्रतीक्षित छ । प्रिमियरबाट यसले अत्यन्तै सुखद प्रतिक्रिया पाएको छ ।
प्रदीप भट्टराई निर्देशित यो चलचित्रमा हरिवंश आचार्य, विपिन कार्की, रविन्द्र झा, रबिन्द्र सिंह बानियाँ, दिव्य देव, राजाराम पौडेल, शिशिर वाङ्देल लगायतको प्रमुख भूमिका छ ।