[dropcap]ग[/dropcap]त साता रिलिज भएको नेपाली चलचित्र ‘कबड्डी’को पहिलो हप्ताको व्यापार सार्वजनिक गरिएको छ । आइतवार निर्माता निश्चल बस्नेतले दिएको जानकारी अनुसार पहिलो साता ९२ लाख कलेक्शन गर्न सफल भएको छ । दोश्रो साता पनि सन्तोषजनक व्यापार गरिरहेको कबड्डी अहिले पनि झण्डै ४५ हलमा देशभर चलिरहेको छ ।
कबड्डी पोखरा र हेटौडामा अघिल्लो बिहिबार नै रिलिज भएको थियो भने अन्यत्र शुक्रवार रिलिज भएको थियो । सार्वजनिक कलेक्शन बिहिबार सहितको हो । नेपाली मौलिकपना समेटेको तथा गाउँलेपनालाई जोड दिएकोले पनि यो चलचित्रमा दर्शकको साथ बलियो पायो । रामबाबु गुरुङले निर्देशन गरेको यो चलचित्रमा दयाहाङ राई, निश्चल बस्नेत, रिश्मा गुरुङको मुख्य अभिनय रहेको छ ।
यो सँगै रिलिज भएको अर्को नेपाली चलचित्र ‘नोभेम्वर रेन’ले पहिलो साता १ करोड ४० लाखको कारोबार गरेको निर्माताले बताएका छन् ।