काठमाडौं। जेठ २५ गते रिलिज हुने नेपाली चलचित्र ‘लण्डन टु पेरिस’को तेस्रो गीत ‘सुवी डु’ सार्वजनिक भएको छ। शुक्रवार रिलिज गरिएको यो रोमान्टिक गीतमा बियोण्डको सङ्गीत तथा शब्द अनि बियोण्ड र प्रबिसा अधिकारीको स्वर छ।
गीतमा साम्राज्ञी राज्यलक्ष्मी शाह, निश्चल खड्का, गरिमा शर्मा, कबिर खड्का, मनिष गान्धी र रुष्मा थापा फिचर्ड छन्। यसको भिडियोलाई अस्कर विजेता कोरियोग्राफर लंगनेस फर्नान्डेजले कोरियोग्राफी गरेका छन्।
घनश्याम लामिछाने निर्देशित यो चलचित्रले ट्राभल लभस्टोरीको कथा पेस गर्छ । यसको कथा, पटकथा र संवाद प्रदीप भारद्वाजले लेखेका हुन्। सिनेमामा साम्राज्ञी, निश्चल र गरिमाका अलावा कबिर खड्का, रुष्मा थापा, मनिश श्रेष्ठ, मनिष गान्धी र लोक विक्रम मल्लको प्रमुख अभिनय रहेको छ। निश्चल र गरिमाले यही चलचित्रबाट डेब्यू गरेका हुन्।
एबी इन्टरनेश्नलको प्रस्तुति रहेको चलचित्रमा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ। अमित बस्नेतले निर्माण गरेको सिनेमामा आरोन बस्नेत, एरियाना बस्नेत तथा परी राना निर्माताका रूपमा रहेका छन्। सनिश खकुरेल र अजित केआर थापा सह-निर्माता हुन् भने अङ्कित गौतम, सुरज कुँवर र विजय भण्डारी यसका कार्यकारी निर्माता हुन्। आरआर फिल्मस्ले नेपालभर वितरण गर्दैछ।
गीत: