प्रदर्शनमा आयो ‘जेरी अन टप’

काठमाडौं – युवा पुस्ताका चर्चित अभिनेता अनमोल केसीको मुख्य भूमिका रहेको चलचित्र ‘जेरी अन टप’ आज शुक्रवारदेखि देशभरका सिनेमा हलहरूमा प्रदर्शनमा आएको छ। ड्रामा, रोमान्स र एड्भेन्चर विधा समेटिएको यो प्रतीक्षित चलचित्रले दर्शकमाझ राम्रो उत्साह सिर्जना गरेको देखिन्छ।

वितरकका अनुसार ‘जेरी अन टप’ ले सुरुवाती दिनमा कम्तीमा २०० भन्दा बढी शोजहरू पाएको छ। यो आफैँमा राम्रो सङ्केत हो। निर्देशक सुयोग गुरुङको यस चलचित्रको कुल समय (रन टाइम) २७५ मिनेट रहेको छ र यसलाई ‘सबै उमेर समूहका लागि उपयुक्त’ भन्दै वर्गीकरण गरिएको छ।

पर्वतीय यात्राको पृष्ठभूमिमा आधारित यस चलचित्रले त्रिकोणात्मक प्रेम सम्बन्धमा आउने भावनात्मक उतारचढाव र सम्बन्धका जटिलताहरूको कथा प्रस्तुत गरेको छ। प्रेम-कथामा रुचि राख्ने दर्शकहरूका लागि यो एक आकर्षक सिनेमा हुन सक्ने आकलन गरिएको छ।

चलचित्रको अग्रिम टिकट बुकिङ उत्साहजनक देखिएको छ, जसले प्रारम्भिक व्यापार राम्रो हुने अपेक्षा गर्न सकिन्छ। अनमोल केसीका साथै यसमा कलाकार केदार घिमिरे ‘माग्ने बुढा’, आँचल शर्मा, जसिता गुरुङ, भुवन केसी, र उषा खड्गीको अभिनय देख्न सकिन्छ। यो चलचित्रलाई अनन्या फिल्म्स को ब्यानरमा सरोज न्यौपाने ले निर्माण गरेका हुन्।