काठमाडौं – नेपाली चलचित्रको इतिहासमा सबैभन्दा धेरै व्यापार गरेको चलचित्र ‘पूर्ण बहादुरको सारङ्गी’का निर्देशक सरोज पौडेलले नयाँ चलचित्र ‘सिन्दुरे जात्रा’ निर्माण गर्ने औपचारिक घोषणा गरेका छन् । पौडेलले ‘पूर्ण बहादुरको सारङ्गी’ पछि अर्को चलचित्र ‘कोशेढुङ्गा’ निर्देशन गरेता पनि सो भने सफल हुन सकेको थिएन।
निर्देशक पौडेलले एक २६ सेकेन्ड लामो ‘टाइटल अनाउन्समेन्ट टिजर’ सार्वजनिक गर्दै चलचित्रको घोषणा गरेका हुन् । अनाउन्समेन्ट टिजरमा ‘सिन्दुरे जात्रा’को टाइटल राखिएको छ भने पृष्ठभूमिमा बागलुङ क्षेत्रको कुनै मन्दिरमा मन्त्र उच्चारण गरिएको जस्तो अस्पष्ट ध्वनि सुन्न सकिन्छ।
‘सिन्दुरे जात्रा’मा कथावस्तु निर्देशक पौडेल स्वयंको रहनेछ । यद्यपि, यो चलचित्र नुवाकोटमा मनाइने ऐतिहासिक सिन्दुरे जात्रामा आधारित हुने हो वा कुनै फरक कथावस्तुमा केन्द्रित हुने हो, त्यस बारेमा भने निर्देशक पौडेलले हालसम्म कुनै जानकारी दिएका छैनन् । उनको पछिल्लो सफल प्रस्तुति ‘कोशेढुङ्गा’ सामाजिक विषयमा केन्द्रित रहेकाले यो नयाँ सिर्जना कस्तो धारमा आउने हो भन्ने कुराले धेरैलाई सोच्न बाध्य बनाएको छ ।
सारङ्गी फिल्म्सको ब्यानरमा निर्माण हुन लागेको यो चलचित्रका निर्माता प्रभाकर श्रेष्ठ हुन् । कलाकारहरूको नाम भने केही समयपछि सार्वजनिक गर्ने बताइएको छ।