ठुलोपर्दा डटकम, काठमाण्डौ।
बैशाख १२ गते गएको महाभूकम्पका कारण यति बेला देशको जनजिवन निकै त्रसित बनेको छ । भूकम्पकै कारण पनि हरेक मानिसहरु अहिले भय र त्रासको जिवनयापन गरिरहेका छन् । हाल भूकम्पबाट त्रसितहुँदै आएका व्यक्तिहरुलाई परामर्शको आवश्यकता रहको भन्दै शुक्रवारबाट मिडिलवे फिल्मस्ले भूकम्पबाट प्रभावित बस्तीहरुलाई मध्यनजर गर्दै घुम्ती फिल्म फेस्टिभलको आयोजना गरेको छ ।
शुक्रवार साँझ टुँडिखेलबाट सुरु हुने यो फेस्टिभल भूकम्पबाट प्रभावित भएका हरेक बस्ती सम्म पुग्ने बताइएको छ । यो फिल्म फेस्टिभलमा चलचित्र र लधु चलचित्रहरु प्रदर्शन गरिनेछ । सञ्चाकर्मी एवं निर्देशक भोजराज भाटले निर्देशन गरको लधु चलचित्र सुनाकलीबाट फिल्म फेस्टिभलको शुभारम्भ हुने बताइएको छ । खुल्ला चौरमा पर्दा टाँगेर निःशुल्क देखाइने यो फेस्टिभल शुक्रबार टुँडिखेलपछि काभ्रेमा देखाइने छ । काभ्रे हुँदै यस फिल्म फेस्टिभलको टोली सिन्धुपाल्चोक, दोलखा, धादिंग, गोरखा लगायतका ठाउँहरुमा पुग्ने आयोजक संस्थाले जानकारी दिएको छ ।
फेस्टिभलमा करिब एक दर्जन बढि चलचित्र र लघु चलचित्र प्रदर्शन हुनेछन् । जसमा नविज सुब्बाको नुमाफुंग, छिरिंग शेर्पाको कर्मा, रामबाबु गुरुंगको कब्बडी, मोहन राईको जुर्नी टु थिएटर,फु लमान वलको सेलफोन, हरि थापाको शेर्पाः टु हिरोज अफ माउन्ट एभरेस्ट, शन्ति लामा र ज्ञानु लामाको म्हेन्दोमाया, डा.तोशियाकी इतोहको कठपुतली लगायतका चलचित्रसँगै लघु चलचित्र प्रदर्शन गरिने मिडिल वेकका म्यानेजिंग डाइरेक्टर मोहन राईले जानकारी दिए । घुम्ती फिल्म फेस्टिभलमा भूकम्पसम्बन्धी केहि वृत्तचित्रपनि प्रस्तुत गरिने बताइएको छ ।