भारतीय क्रिकेट टिमका पूर्वकप्तान मोहम्मद अजहरुद्दिनको जीवन माथि निर्माण हुन लागेको बलिउड चलचित्र ‘अजहर’मा नरगिस फाकरी संगीता विजलानीका रुपमा देखिने भएकी छन् । रणवीर कपुरसँग ‘रकस्टार’मा अभिनय गरेर चर्चामा आएकी उनले यो भूमिकाका लागि करिना कपुर, ज्याकलिन फर्नान्डिस र निरमत कौरलाई पनि उछिनेकी हुन् ।
अजहरकी श्रीमती संगीताका रुपमा नरगिस पक्का भए पनि फिल्ममा देखिने अर्की अभिनेत्रीको भने टुंगो अहिलेसम्म लाग्न सकेको छैन । अजहरुद्दिनका रुपमा भने इमरान हासमीले अभिनय गर्दैछन् । आगामी महिनामा लन्डनबाट सुटिङ सुरु हुने जनाइएको चलचित्रमा अजहरुद्दिनको भुमिकाका लागि इमरान हाशमीले कडा मेहनत गरिरहेका छन् ।
चलचित्रको सुटिङ हैदराबाद, मुम्बइमा पनि हुने बताइएको छ । एकता कपुरले यस चलचित्रलाई निर्माण गर्नेछिन् ।