ठुलोपर्दा डटकम, काठमाण्डौ।
चलचित्र ‘बिन्दास’ र ‘बिन्दास २’ मा बेड सिन प्रयोग गरेर चर्चा र विवादमा तानिएका निर्देशक राजु गिरी निर्देशित चलचित्र ‘बिन्दास ३’ को ट्रेलर बाहिरिएको छ । सार्वजनिक ट्रेलरमा राजुले अश्लिलता नै केन्द्रविन्दुमा राखेका छन् ।
ट्रेलरमा नेपाली समाजले पचाउन नसक्ने केहि दृश्य पनि छन् जसका कारण फेरी एक पटक ‘बिन्दास ३’ विवादमा तानिने निश्चित छ । चलचित्रमा अशोक फूयाँल, शुभेच्छा थापा, मनिष कार्कीको मुख्य भूमिका छ । चलचित्रले यसपटक त्रिकोणात्मक प्रेमकथालाई प्रस्तुत गरेको छ ।
चलचित्रमा अर्जुन पोख्रेलले संगीत भरेका छन् । कात्तिक २० गतेबाट देशव्यापी प्रदर्शनमा आउन लागेको यो चलचित्रलाई शुभेच्छा इन्टरटेन्मेन्टले निर्माण गरेको हो । केहि दिन अगाडी मात्र यसै चलचित्रको पहिलो पोष्टर सन्नी लियोनको शरीरमा शुभेच्छा थापाको टाउको जोडेर सार्वजनिक गरेको थियो ।
हेर्नुहोस् ट्रेलर: