शाहरुखलाई लिएर तीन चलचित्र बनाउँदै करण

निकै पहिला नायिका प्रियंका चोपडासँग मित्रता प्रगाढ बनाएपछि बलीउडका सुपरस्टार शाहरुख खानसँग सम्बन्ध टाढा बनाउँदै आएका निर्देशक एवं निर्माता करण जोहर आजकाल शाहरुखसँग मित्रता गाँस्दैछन् । लामो समयको दुश्मनीलाई मित्रतामा बदल्दै गएका करणले शाहरुखसँग मिलेर तिन चलचित्र निर्माण गर्न लागेका छन् ।

Click Here to Watch Entertaining Videos
तीन चलचित्र मध्ये एक चलचित्रमा आलिया भट्ट र शाहरुखलाई लिएर निर्माण गर्न लागेपनि अन्य दुई चलचित्रमा पनि करणले शाहरुखलाई नै लिएको भन्दै भारतीय मिडियाहरुले समाचार प्रकाशन गरेका छन् । हुनत करणका प्रिय मित्र भनेका बलीउडका सुपरस्टार सलमान खान हुन् तर सलमान केहि बर्षसम्म बिग बोस ९ सँगै अन्य चलचित्रको छायांकनमा व्यस्त हुनेभएपछि सलमानको विकल्पमा करणले शाहरुख खोजेका हुन् ।

करण र शाहरुख मिलेर तीन चलचित्र निर्माण गर्ने कुरा बाहिर आइरहेको अबस्थामा करणका प्रवक्ताले भने शाहरुख आफ्नै परिवारको सदस्य रहेको बताए । उनले भने -‘शाहरुखसँग ३ चलचित्र मात्रै ? हामी उहाँसँग १० औं चलचित्र बनाउँन सक्छौं ।’ यसरी करणका प्रवक्ताले नै मुख खोलेपछि भने करण र शाहरुख मिलेर तिन चलचित्र निर्माण गर्न लागेका कुरा सत्य सावित भएको छ ।