ठुलोपर्दा डटकम, काठमाण्डौ।
पूराना छायाँकार दिपक ढकालले संसार छाडेका छन् । हृदयघातका कारण विगत केहि दिनदेखि भक्तपुरको मध्यपुर ठिमी अस्पतालमा उपचारको क्रममा रहेका ७० बर्षिय ढकालको बिहिबार निधन भएको हो ।
यसैबीच ढकालको निधनको शोकमा शुक्रबार सबै फिल्मको छायांकन रोकिने भएको छ । दिवंगत छायांकार एवं फिल्म प्राध्यापक दीपक ढकालले पहिलोपटक ‘सिन्दुर’मा काम गरेका थिए । शान्तिदिप, फेरि भेटौंला, सारंगी, चेलिबेटी, चोखो माया, पहिलो प्रेम उनीद्वारा खिचिएका चलचित्र हुन् । केही डकुमेन्ट्री पनि उनले खिचेका छन् ।
सिनेमालाई दृश्य भाषाको रुपमा विकास गर्नुपर्छ भन्ने सोच राख्ने उनका चार दाजुभाई नै चलचित्र क्षेत्रमा क्रियाशिल छन् । पुने इन्स्टिच्युटबाट फिल्मसम्बन्धी अध्ययन गरेका ढकाल पछिल्लो समय छायांकन विषय पढाउँदै आएका थिए ।