प्रियंकाले बनाइन मोबाइल भिडियो सिरिज

बलिउड अभिनेत्री प्रियंका चोपडाले पहिलो मोबाइल भिडियो सिरिज निर्माण गरेकी छिन् । चौध इपिसोड लामो हुने प्रियंकाको सो सिरिज मोबाइल एप्सको माध्यमबाट हप्तामा दुई भाग प्रसारण गरिने जनाइएको छ ।

सिरिजमा मुम्बईमा संघर्ष गर्न आएका चार युवतीको कथा प्रस्तुत गरिएको छ । ‘इट्स माई सिटी’ नाम दिइएको सिरिज भाडामा बस्ने युवती, घरबेटी र उनीहरूको अभिभावकको वरपर केन्द्रित गरिएको छ । सिरिजमा प्रियंकाले अभिनय गर्नुका साथै शीर्ष गीत पनि गाएकी छिन् ।

प्रियंका आमदर्शकले आफ्नो सिरिजलाई कसरी लेलान् भनेर निकै उत्साहित छिन् । सिरिजमा मानिका, सोनाली, टिना र निक नामका पात्र छन् ।