ठुलोपर्दा डटकम, काठमाण्डौ।
चैत्र १२ मा रिलिज हुने नेपाली चलचित्र ‘आवेग’ले PG प्रमाणपत्र पाएको छ । १६ बर्ष मूनिका बालबालिकाले अभिभावकसँग बसेर हेर्नुपर्ने प्रमाणपत्र पाएको यो चलचित्रमा खतरनाक एक्शन दृश्य छन् । जसका कारण चलचित्रले PG प्रमाणपत्र पाएको हो ।
सूर्य कार्कीको प्रस्तुतीमा तयार भएको चलचित्रमा आर्यन सिग्देल, पवित्रा आचार्य, ध्रुव दत्त, अर्चना डेलालाको मुख्य भूमिका छ । बसन्त निरौलाको निर्देशनमा बनेको चलचित्र ‘आवेग’मा पुरुषोत्तम प्रधानको छायांकन, कविराज गहतराजको नृत्य छ । चलचित्रको निर्माण धन सिंह केसी र राजेन्द्र घिमिरेले गरेका हुन् ।
चलचित्रका निर्देशक निरौला ‘आवेग’मा आर्यनको अहिलेसम्म नदेखिएको भूमिका समेटिएका कारण दर्शकको साथ राम्रो पाउनेमा विश्वस्त रहेको बताए ।
